Ҳаҭыр зқәу аветеранцәа! Акыр иаҧсоу аҩызцәа!

Compressed file

Аиҿкаара “Россотрудничество” ахьӡала, хаҭала сара сыхьӡала , гәык-ҧсыкала ишәыдысныҳәалоит Аџьынџьтәылатә еибашьра Дуӡӡаҿы иалыршахаз Аиааира 75 шықәса ахыҵра амшныҳәа! Ари амш аҽны ҳара ҳрыдныҳәалоит ҳветеранцәа,насгьы гәадурала ҳхырхәоит урҭ рфырхаҵара аҿаҧхьа! Уи афырхаҵара иабзоураны, ҳара иҳауит аҭынчра– шьардаамҭа. Акыр иаҧсоу ҳахьчаҩцәа, ишәзеиҕьаҳшьоит агәамч ҕәҕәа, ашықәсынҵыра ду! Анцәа ишәаҭәеишьааит гәыблыла шәыгәцаразкуа ахәыҷқәа, амаҭацәа!

Ҳара ҳхырхәоит афырхацәа, аҧсадгьыл ахьчаҩцәа зегьы ргәалашәара аҿаҧхьа,– урҭ анкьа зны иакыз Асовет Еидгыла ареспубликақәа ишырхаҭарнакыз ҳасаб азуны. Есышықәса СНГ , насгьы ихароу аҳәаанырцәтәи атәылақәа рҿы “Россотрудничество” ацхыраарала имҩаҧысуеит аиааира згаз рӡыргара иазкыу акциақәа. Ари Агентра аҳәаанырцәтәи аҿахәҳәарҭақәа рҿы зегь реиҳа зхыҧша ҕәҕәоу– Аиааира Амш иадҳәалоу ахҭысқәа роуп. Уахь иаҵанакуеит атематикатә цәыргақәҵақәа, агәалашәара аурокқәа, акыр иаҧсоу ҳветеранцәа ирызкыу аконцертқәа. Сынтәа урҭ онлаин- ҟазшьа рыҭатәхеит, зегь ижәдыруа ахҭысқәа ирыхҟьаны. Аибашьраан аҳәаанырцәтәи акультуратә еимадарақәа Реидгылатә хеидкыла ҳәа изышьҭаз “Россотрудничество” иалшаз даара ирацәоуп Аиааира азықәҧараҿы. Аҳәаанырцәтәи ҳара ҳгуманитартә еимадарақәа рызкын анацизм аҿагылараҿы адунеитә культура аусзуҩцәа рымч-рылша аиларҵәара. Уи аамҭазын, германиатәи анацизм аҿагылараҿы асовет жәлар рзыразра аҳасабала иаҧҵан хыҧхьаӡара рацәала СССР иаҵанакуаз аиҩызаратә гәыҧқәа. ВОКС ацәаҳәала Асовет Еидгылахь иаауан ахәшәқәа, ахәышәтәырҭақәа рзын амаҭәахәқәа, еиуеиҧшым агуманитартә цхыраарақәа. Урҭ ирықәдырӡуаз ахарџь рхахьы иргон аҳәаанырцәтәи ауаажәларра. ВОКС ацәаҳәақәа рыла Великобританиаҟа идәықәҵан Дмитри Шостакович иаҧҵамҭоу еицырдыруа Ленинградтәи асимфониа апартитура. Ашьҭахь уи адунеи зегьы иахыҵәеит. Ифырхаҵаратәу ари аиааира Амш аҽны ҳара иаҳгәалаҳаршәоит антигитлертә еидгыла иаҵанакуа ҳҩызцәа, ҳадгылаҩцәа. Иҭабуп ҳәа раҳҳәоит Великобританиеи, Еиду Америкатәи Аштатқәеи, Франциеи рыжәларқәа , “аҿкы цәхаҧшь” аҿагылараҿы иалыршахаз ҳзеиҧш иааира иаларгалаз рыхәҭа ду азын. Ҷыдала иалыскаауеит, 1945 ш. азы ишаҧҵахаз Еиду Амилаҭқәа Реиҿкаара– аглобалтә ҭынчра аиқәырхара иазкхаз ауниверсалтә форум. Ҳара ҳтәылаҿы иргәалашәоит, патугьы рықәуп Арктикатә кануеиқәа рветеранцәа Аиааира иадырҵаз алшамҭақәа. Ҳара иҭабуп ҳәа раҳҳәоит абритан жәлар, аибашьраан адунеи иаҟәыҭхаз Сталинград иарҭоз агуманитартә цхырааразын. Сара сзын –ари қалақь ҷыдоуп! Аҩбатәи Адунеитә еибашьраҿы ҩаҧхьа арыҕьарахь ҳзырхынҳәыз илегендартәу Сталинград– ари сара сықалақь гәакьа ауп. Араҟа, уи ахьчаҩцәа ргәымшәареи рфырхаҵареи ирызкыу агәаларшәаратә цәаныррақәа, абиҧара ҿы ирыларааӡоит ианиы нахыс!

Сымҩашьо издыруеит: дарбанзаалакь ауаҩытәыҩса ари аҭыҧ даҭаароуп, избанзар араҟа сантиметрк иадамзаргьы афырхацәа ршьала икәабоуп, ҳазегь ҧхьаҟатәи ҳҧеиҧш ахьӡала, ҳхәыҷқәеи ҳмаҭацәеи рҧеиҧш ахьӡала!

Ҷыдала иргәаладыршәоит ҳажәларқәа Ҳаҧсадгьыл ахьчаҩцәеи Еиду Америкатәи Аштатқәа рҟынтә иааз аидгыларатә архәҭақәеи реиҧылара амш. Усҟантәи агәреибагареи, акзаареи ҿырҧшыганы иаанхароуп ҳарҭ зегьы ҳзын.

Китаи, Индиа, Монголиа, егьырҭ атәылақәа рыжәларқәа ҳара иҳадгылан, рхы еигӡомызт аиааира азықәҧара аусаҿы! Иахьа дареи ҳареи еицазгәаҳҭоит ҳзеиҧш ныҳәамш! Усҟантәи афырхацәа рабиҧара аанхоит агәыҳалалреи агәымшәареи ирҿырҧшыганы! Урҭ рфырхаҵара ҧсра зқәым акеиҧш инхеит ашәақәеи, афильмқәеи,ашәҟәқәеи , аскульптурақәеи рҿы. Урҭ ргәаларшәара наунагӡа иҟан, иҟалоит! Ҧхьаҟатәи ашәарҭара бааҧсқәа раҧыхразын агәрагареи амчи ҳанаҭоит ҳветеранцәа ихьӡырҳәагоу рфырхаҵара, урҭ иаҳзааргаз Аиааира Ду! Уи 75 шықәса ахыҵра – ҳарҭ уажәы гәацҧыҳәара дула иазгәаҳҭоит!

 

 

Поздравление перевел Владимир Константинович Зантария (род. 27 сентября 1953, Тамыш, Очамчырский район) — депутат Верховного Совета—парламента Республики Абхазия (1991—1996); член правительства и министр культуры Республики Абхазия (1999—2001); вице-премьер Республики Абхазия, литератор, член Союза писателей и Союза журналистов Абхазии, поэт, переводчик, автор ряда критических статей по проблемам современной абхазской литературы.

#россотрудничество #rossotrudnichestvo #rsgov #россотрудничествовабхазии #абх_рс #abh_rs #Абхазия #Rs_gov

#Победа75 #Победа #75летПобеды #ДеньПобеды #бессмертныйполкдома #бессмертныйполкбезграниц

#мояистория #победунеотнять #victory75 #нашапобеда #соотечественники #russiancompatriots